Prodhuesit kryesorë të barnave bashkojnë forcat për vaksinën COVID-19
Dy kompani gjigante të barnave Sanofi dhe GlaxoSmith Kline po bashkohen për të dalë me një vaksinë për COVID-19, sëmundja e shkaktuar nga koronavirusi i ri.
Sanofi shpreson që hulumtimi i saj i hershëm mbi një vaksinë për sindromën e rëndë akute të frymëmarrjes (SARS) do t’i japë asaj një dorë për një vaksinë COVID-19. SARS është një sëmundje e shkaktuar nga një koronavirus që është i ngjashëm me atë që shkakton COVID-19.
Sanofi thotë se do të përdor teknologjinë e quajtur “platformë rekombinuese e ADN-së” për të bërë përputhjet gjenetike me proteinat në sipërfaqen e koronavirusit të ri.
GlaxoSmith Kline planifikon të përdor përvojën e tij në bërjen e përbërësve “ndihmës” të shtuar në vaksinat që rrisin reagimin e sistemit imunitar të trupit tuaj.
Përbërësit shtesë gjithashtu ulin sasinë e proteinave të vaksinës që janë të nevojshme për secilën dozë. Kjo lejon që prodhuesit e vaksinave të krijojnë sasi më të mëdha të vaksinave.
Sanofi dhe GlaxoSmith Kline shpresojnë se mund të fillojnë provat klinike mbi vaksinën deri në fund të këtij viti. Nëse ata kanë sukses, kompanitë thonë se vaksina do të jetë e gatshme për njerëzit që të përdorin deri në gjysmën e dytë të vitit 2021.
Të dy prodhuesit e barnave nuk janë vetëm në garë për të krijuar një vaksinë COVID-19. Dhjetëra kompani dhe grupe kërkimore janë gjithashtu në punë. Ndërmarrja bioteknike Moderna dhe një nga ato që kanë filluar testimin e vaksinave te njerëzit.
Burimi: WebMD
